Bás Mrs. Pender

Dé Sathairn, 21ú Deire Fómhar 2000, 8:24 i.n.

Maidin inniú, in ospidéal Naomh Benedict, cailleadh Mrs Dorothy Pender ón bparóiste seo. Seachtó hocht bliana d'aois a bhí sí, is ní raibh a croí go maith le tamall anuas. Ar dheis Dé go raibh a hanam. Fágann sí beirt clainne, mac (Dominic) i Texas Mheiriceá, agus iníon (Máirín) san Astráil. Níl socruithe a socraide déanta go fóill.

an t-Athair Flannigan

Tá Míshásta i bponc
Ó !

ach Tá rud éigin le rá aga bhean
Níl Dorothy Pender le cur sa reilig Caitliceach, an bhfuil? Tá a fhios ag an saol mór gur Preisbitéireach ó Leeds a bhí inti, go ndéana Dia grásta ar a hanam, agus nach ndeachaigh a gasúir faoi láimh easbaig ariamh. Scaipeadh an scéal go raibh an sagart ar cuairt aici sna blianta deirneacha, ach tá's agamsa go maith nach raibh ansin ach cur i gcéill.

Ethel bn Uí Mhíshásta

Bhí Aigeal as baile nuair a thárla sé...
Well, fillim ar Éirinn is tá chuile shórt tré chéile. Míshásta ag troid leis na comharsain uilig mar is iondúil, Mrs Pender básaithe (súil agam go mbeidh m'ainmse luaite ina h-uacht théis an méid a rinne mé di le blianta beaga anuas), agus ní hé sin amháin ach, thall ar an channel eile, tá Bernie agus Micheál pósta. Fergodsake cén sórt mismatch millteanach é sin? Fear coimeadach lag agus bean ghlic le croí ró-bhog, gan splanc ná grinn eatharthu. Ní sheasfaidh sé, tá mé dhá rá libh.

Seans go mbaileoidh mé amach amárach le gúna nua a cheannacht. Is dócha go mbeidh Doiminic Pender ar ais i gcómhair socraid a mháthair, agus má tá sé mar a bhí cúig bhliain ó shin, breathnóinn faoi dhó air transa an tí tábhairne.

aingeal as neamh

Agus éiríonn le Míshásta é féin a chuir in ord arís
A' chuala tú faoi Mhrs. Pender?, a, chualais, go ndéanaí Dia trócaire ar a h-anam dílis. Hamlet gan aon phrionsa, Glenroe gan Bhiddy agus anois Chetwynde Downs gan Mrs. Pender!.

Mothóimíd uainn í. Arra, ní raibh aon díobháil inti, ní raibh, na scéilíní sin a bhí á chumadh aici fúinn, sure, ní raibh iontu ach -- ahhm,, saghas greann dubh a thabharfá air is dócha.

Agus cad a dheinfidh na daltai scoile anois gan í agus a sioipín beag bídeach?, cá bhfaighfidís na toitíní agus na siopaí eile chomh docht daingin faoi na cúrsaí sin sa lá atá inniu ann. Agus nár bhain sí sult as an saol go dtí an deiridh?, do bhain, na smacháin vodka a bhíodh aici anois agus arís, agus aríst eile, cén dochar?.

Ní fheicfimid a leithéid arís ann timpeall "Chetwynde Downs", ambaist, ní fheicfimid.

Tranglam Tráchta

Dé Máirt , 17 Deire Fomhar 2000, 1:39 a.m.

A Aingil, nach breá an saol atá á chaitheamh agat, ag lascadh leat síos an autobahn ar barrluas id' porsche agus muidne gafa anseo i dtranglam tráchta ag an dtimpeallán ar an gcuarbóthar, le mallachtaí agus fraoch bóthair i ngach feithicil. Fan go gcloisfidh Mrs. Pender faoi do porsche galánta, cuirfidh sí cosa fada leis an scéal. Is ise bean na assumptions. Tá mise beagáinín amhrasach freisin, ní chreidim nach bhfuil fear groí Teotanach testeireonach sa gcúlra in áit éigin. Hhhmmph!

Uainn go léir anseo in #37 Chetwynde Downs - - - Slááán Tamall.

Ní taithníonn an chúlcaint le Aingeal.
Níl dochar ar bith i Mrs Pender i ndáríre -- bhíodh mise ag dul síos ag an siopa leis na 40 Benson&Hedges a cheannacht di chuile lá fhad is a bhí sí as action leis an gcois briste. Tá cion aici orm dá bhárr is ní bheidh aon chogarnaíl ar bun aici fúm. Dála an scéal, is ar vodka a bhíodh sí ag caitheadh an chuid eile dá pinsean. Taitníonn an Absolut Citron léi go háraithe.

Ach ag caint ar chúlcaint, meas sibh cá bhfuil spéirbhean? Ní fhaca mise í le suas le mí anuas, ón lá a tháinig mé trasna uirthi thuas ar urlár a haon de Hodges Figgis ag caitheadh súl ar an karate section.

aingeal as neamh

Ciúnas ar chumasc

Nó ÉINNE FÁGTHÁ
(Dé Domhnaigh, 15ú Deire fomhar 2000, at 5:40 i.n.)

HELLO! HELLO!!! A' bhfuil éinne amuigh ansin i cyber-spás? a' bhfuil aon neach beo fágtha ar chlár na cruinne?

Óm' oifigín uaigneach anseo i Villa Padre Pio, #37 Chetwynde Downs - - - Slááán Tamall

Duine amháin ar a laghad
Cuireann sin íontas ormsa freisin. Ní easpa cainteoirí faoi deara an ciúnas seo, ach 99% de Ghaeilgeoirí (gan trácht ar lucht na Gaeltachta!), ní labhraíonn siad agus ní léann siad í, ainneoin a fheabhas is a bhfuil sí acu.

"What - USE the language??"

Ach sin mar atá sé. Tuigim leo ar shlite áiride. Tá faitíos an domhain orthu go gcuirfear ainm an díograiseora orthu má fheictear iad ag úsáid na teanga. Tá éirithe le Béarlóirí na tíre rud "faoi leith" agus "neamhghnách" a dhéanamh den Ghaeilge.

Fear Feasa

duine eile, agus an cómhrá ag éirí an-intleachtúil
B'fheidir go bhfuil naire orthu nach bhfuil a gcuid Gaeilge maith go leor chun comhra a dheanamh ar an chlar ple seo.

Is beag uimhir na daoine a bhfuil baint acu leis an ghaeilge. Agus is nios lu uimhir acu a bhfuil baint acu leis an ghreasan domhanda.

scor no do agus sin an meid.

mo dhuine

Agus Tógan aingeal muid arais chuig an pointe
Breathnaigh anois, lads, tá sibh ag cur síos arís ar Cheist na Teangan. Sean-scéal. Uafásach an rud nach féidir Gaeilge a labhairt gan caint go síoraí faoin nGaeilge féin. Chaith mise an deireadh seachtaine ag speedáil ar autobahn na Gearmáine i nglamour Porsche (nach liom, faraoir). D`eirigh liom replica d'eitleáin cogaigh an Baron Von Steuben (inflatable, 20 méadar ar fhaid) a chéannacht i Heidelberg. Tá brath agam é a cheangal de dhíon mo thí i gChetwynde Downs. Súil agam nach mbeidh na comharsain crosta liom.

aingeal as neamh

A Thiarna Dia! Muna bhfuilimid ag caint faoin seanábhar an seanteanga, tá muid ag caint ar cé chómh mór is a bhfuil mo German boyfriend nua. Sín 'am an milbhear.

manchainach siar

is cén sórt saol é muna bhfuil cead ag bean cárr a fháil ar cíos? meastú nach fearr faire ort féin ansin, a stór, sula dtiteann tú thar do chuid assumptions? táimse i gceannas an Chetwynde Downs Anti-Assumption and Embroidery Society. aon spéis agat i dtapestry deas?

aingeal as neamh

aiféal is brón orm (is éad!) faoi mo chuidassumptions. Maidir leis an tapestry, bhuel - an tairiscint is fearr atá faighte 'am an tseachtain seo.

manchainach siar

Déanann Fear Feasa iarracht é fhéin a chosaint
Níl mé ach ag nochtadh mo thuairimí i dtaobh fáthanna ciúnas an chlár plé. Ná habair go bhfuil ár gcinsire féin againn anseo ar an gclár, ag rá linn cad is ábhar "ceadmhach" agus cad is tabú ann?

Glacann Aingeal leis go bhfuil an ceart aige
Heaven Forbid. Beidh chat breá againn faoi cheist na teangan anois, so. Fan go bhfeicfidh mé an bhfuil aon Fascinating Facts agam. Céard faoin scéal faoin scrudú 10 bpunt, thiar sna laethanta nuair a bhíodh an deontas sin ann. Chuir an cigire ceist ar bheirt gasúr "cá gceannaíonn do mháthair an fheoil i gcómhair an dinnéar?". "I siopa an bhúistéara", a deir an buachaill ón gcathair. "Ní hea, muis, ach sa bpost office", a deir an leaidín Gaeltachta. Cé ach a bhí i dteideal an deontas a fháil?

aingeal as neamh

agus má tá eolas ag éinne ar cad tái gceist ag manchainach seol litir chugam!!
coinn ort

Dódóannaí

Dé hAoine, 13. Deireadh Fomhar 2000, ag 7:31 i.n.

An fíor é ráiteas Uí Uigínn, agus más ea, cén fáth gur ligeadh don bhille bás a fháil? An fímíneach, amadán, nó ceap magaidh é Éamon Ó Cuív?

>>I bhfianaise a ndúirt an t-iar-aire Rialtais agus urlabhraí oideachais Pháirtí an Lucht Oibre, Micheál D. Ó hUiginn, faoin Bhille Teanga bheadh imní ort gur ag cur ama amú atá siad. Tuairiscíodh ar Foinse na seachtaine seo go ndúirt Ó hUiginn go raibh an Bille Teanga "chomh marbh anois leis an dódó". (Ní dócha go bhfuil an tAire Stáit Éamon Ó Cuív ag teacht leis sa mhéid sin.)

Fear Feasa

Îs Fíor é
Más léiriú é a laghad daoine a bhíonn ag freastal ar an gclár neamh-phlé seo, is gearr go mbeidh an teanga fhéin chomh marbh leis an ndódó. Ní raibh aon rud ar siúl anseo le seachtain anuas ach cadráil faoin sobal "Chetwynde Downs"

Ó ghnáthóg dheireannach na nDódó anseo i "Chetwynde Downs" - - - Slááán Tamall.

turas go Cnoc Mhuire

Dé Céadaoin, 11 Deirefomhair 2000, at 7:01 i.n.

Táimse ag eagrú turas ón bparóiste seo go Cnoc Mhuire ar 17 Samhain 00. Fáilte roimh chách. Bus 13 punt (ticéad fillte), 12 punt eile chun ceapairí, tae, agus grotto memorobilia a chlúdach. Lascaine dóibh siúd a thánaig linn ar an turas chuig teach Daniel O`Donnell mí Márta seo caite. Má tá suim agat sa turas seo, seol d'ainm chugamsa,
Ethel Bn Uí Mhíshásta,
37 Chetwynde Downs,
Co na Mí.

Bean Uí Mhíshásta

Ach an í Bean Uí Míshásta at á eagru? Agus Cá bhfuil Chetwynde Downs ?
Haigh, cad tá ar siúl anseo; dé-ionadas.Co. na Mí? Is eastát tithíochta meán-aicmeach aibí duilleach é "Chetwynde Downs", suite i mbaile saitilíte taobh amuigh de chathair Chorcaí i bhfad ó mhacaire méith na Mí. Má táir ag déanamh bréag-phearsanú ar an gclár seo, bíodh na fírici i gceart agat.

Uainn go léir anseo i "gChetwynde Downs" - - - Slááán Tamall. (Ó Míshásta)

De Réir Oifig an tSuirbhéaracht Ordanáis i gcontae na Mí...
Glaodh isteach ormsa chun deireadh a chur leis an gconspóid seo. Théis staidéar a dhéanamh ar na mapaí, is tig liom a dheimhniú go bhfuil an eastáit tithíochta "Chetwynde Downs" i gCo na Mí , ar an teorann le Co na hIarmhí. Talamh ailcailíneach atá sa cheantar is tá tobar nádúrtha fíor-usice faoi chúl-gháirdín uimhir a 40, "Sailor's Rest".

70 IRP as ucht an t-seirbhís comhairlithe seo.

An t-seic chugam féin,
Somhairle O Ceannabhán,
Oifig an tSuirbhéaracht Ordanáis,
le bhúr dtoil.

Teach le díol

Dé Márt, 10 Deirefomhair 2000, at 9:39 a.m.

Uimhir a 68 Chetwynde Downs, teach gleoite darbh ainm "Beverly Lawns" (suite ar chúinne, le 1/4 acra talún). 4 sheomra leapan (péire acu en suite), cistin mhór, seomra cónaí, seomra suite, 3 sheomra folctha, seomra na gcluichí, agus seomra na mbéilí. An teach wired i gcómhair Eircom Phonewatch agus cable tv. Gloine dúbailte ar na fuinneoga, teas lárnach, troscáin gáirdíne, dallóga Venéiseacha. Neighbourhood Watch i bhfeidhm sa gceantar.

420,000 IRP atá á éileamh ar an dteach álainn seo. Téir i dteangmháil le:

Harry Forsythe Estate Agents,
23 Richquick Close,
Information Superhighway,
Co Meath.

Cad tá cearr le ainm na háite?? Tá go maith, ach tá mé in amhras faoin ainm "Chetwynde". An ainm Breatnach é? Níor mhaith liom cur fúm in eastát a bhfuil ainm iasachta air.

Tírghráthoir

an leagann Gaeilge Dunaibh Seitbhind? (Ó Fear Feasa)

Cárbh as an logainm
Ainm iar-Bhreatnach, actually, a thírghráthóir.

So níl an teach ar díol in aon chur
Ó, ha-ha-ha, an-ghreannmhar ar fad. Nach bhfuil go leor fadhbanna agam leis na comharsana gan sibhse bheith ag caitheamh bhur ladair isteach. Tá úinéir "Beverly Lawn" uimhir 68 ag bagairt dlí orm (arís) mar chreideann sé go bhfuilim freagrach as na bréag-fhógraí faoi dhíol a thí. Bhí a ghuthán ag preabadh dring-dring-dring gan sos gan stad an lá ar fad is a mhobile ag gabháil "yankee doodle" gan stop gan staonadh; na sluaite ag fiafraí faoin dtigh ar dhíol. Bíonn an-tóir ar tithe i Chetwynde Downs nuair a thagann siad ar an mhargadh. Ní h-í seo an chéad mhíthuiscint a bhí eadrainn.

O’Hagen, Mr. Denis Bart. M. Ch. F.R.C.S.I. (urol.) Máinlia Comhairleach i n-Urology i n-Ospidéal an Bons Secours, Corcaigh, nó Dinny Piddle mar is fearr aithne air ag a gcustaiméirí. Cén fáth an leasainm sin?, chuir ceist ar do sheanathair a bhíonn ag rith go dtí tigh an asail gach 20 nóiméid. Bhí ainm an máinlia céanna sna páipéiri cúpla bliain ó shin nuair a bhain a mhadra, Saluki breá darb ainm Colleen Bawn, an chéad duais amach in a roinn i dTaispeántas na Madraí Cruft’s i London, Shasana. Fuair sí an tríú áit sa phríomh chómórtas. Bhuel, nár éirigh le Long John briseadh isteach ina clós madra oiche amháin. Sin é mo Jeaicín Russell leathshúileach. Ceart agat, leagan gearr de L. J. Silver. Bhí adhall ar an Colleen Bawn agus dhein Long John an beart ceart, n’fheadar conas, mar tá Saluki beagnach ar aon árd le cú. Fair play dó, bíonn níos mó action ag mo ghaidhrín groí i ndeich nóiméid ná mar a bhíonn agam fhéinig i rith na bliana. Níos measa fós, chaill Dinny an conradh flaithiúl a bhí ag an Colleen Bawn chun fógra telefíse a dhéanamh do chomhlacht bia madra Albert Reynolds mar go raibh an gadhar ag iompú clainne ag an am contráilte.

Ó, cloisim eochair sa bhfront-doras, mo bhean ag teacht, caithfidh mé imeacht.

Uainn go léir anseo i gChetwynde Downs - - - Slááán Tamall

PS Fáilte roimh cheartúcháin

ach Tá....
I say chaps, my Irish isn't too good, so I pray you will forgive me. My house is for sale, and I'd appreciate it if that blighter who is attempting to undermine my efforts would make himself known so that I can give him the beating he deserves. In truth, I no longer fancy living among the bourgeoisie here in Chetwynde Downs, and have a down-payment on 'Seaview Towers' in the nearby classier Upwoods Estate (which has a communal swimming-pool and sauna-room). I'm a peaceable fellow, so if Mr O'Mishásta will go about his own business and leave me to mine, I'm willing to leave it at that.

Denis O'Hagen

Slán libh a lucht na Droch-ghaeilge

(Nó Slán ó Éiric)
( ar Dé Sathairn , 7ú Deire Fomhar 2000, ag a 1:23 a.m.)

Tá mé dubh-thuirseach de bhur gcuid droch-Ghaeilge agus bhur ndroch-mhúineadh. Chan í an Éire seo an Éire abhí in allód ann, ach Éire lucht Béarla agus beadaíocht Gall. Fuígfidh mé faoibh í a's go sábhála Dia í. Slán,

Éiric

Ní aontíonn gach duine leis gur droch-ghaeilge a bhíonn á Úsáid áfach
Má shíleann tú gur droch-Ghaeilge atá agam, ba chóir duit mo chuid Béarla a chluinstin!!! Slán, a Éiric, agus go n-éirí an bóthar leat agus tú ar do bhealach ar ais go dtí an tSeantír ar do Inneall Taistil Ama.

truflóir

Agus Níl gach éinne brónach go bhfuil Eiric ag imeacht
sea slan go deo eiric (buiochas le dia ta tu imithe anois)

Agus Níl Míshásta fiú ró míshásta faoi
Bye-bye, Boy. Dheara, nár phiocais an t-am ceart chun slán a fhágaint ag an suíomh intleachtúil seo; an deireadh seachtaine nuair a bhíonn na ríomhairí scoile go léir dúnta agus na daltaí as-líne. Dá mba tusa mise anois bheadh cúis ghearáin agat.

Táim pósta le deachtóir de bhean chéile, a bhfuil níos mó suim aici i gcúrsaí religiúnda ná i gcúrsaí leapan. Ochtar clainne, mac aerach ina measc, agus gan meas madra acu ar a n-athair. Agus an madra, an t-aon chara atá fágtha agam sa saol, faoi bhagairt háis ónár gcomharsa bhéal dorais, mar go mbíonn sé de nós ag an ghaidhrín bocht a phlasóg galánta a úsáid mar leithris. Agus nuair a dheinim iarracht éalú on bhrú seo agus dul go dtí an local, bíonn an áit plódaithe le lucht leanúna Man Utd is iad ag béicigh is ag bocléimt timpeall an bheáir. Agus anois agus mé ag iarriadh an idirlíon a usáid mar síciteiripe bíonn na sean-fhondúiri ag teacht sa mhullach orm dom cháineadh faoi lag chaighdeán mo chuidín Gaolainne.

Fágaim slán libh go léir. Táim ag dul thar n-ais go dtí suíomh ina bhfuil níos mó tóir ar mo thalainn litríochta; www.weirdfetishes.com. Go dtí go mbeidh Éire ath-aontaithe arís agus go nglacfar le Gaolainn na Mumhan mar an t-aon caighdeán oifigiúil ceart NÍ LABHRÓD.

Ónár gclann núicleach go léir anseo i "Chetwynde Downs", go dtí go gcasfaimíd le chéile arís - TOST

Tá Gníomhaire de chuid an Áibhirseora Tríne Chéile toisc go mbéadh Míshásta ciuin as seo amach
Slán le Éiric, fadhb ar bith, ach Míshásta ina thost go deo? Obh! Obh! Abair linn it ain't so.

Agus déanann Corca Muichid iarracht an ábhar a athrú
Cad í an mhí is lú a thaitníonn le lucht plé/scríofa an chláir seo?
Mí Feabhra, níl ach ocht lá ar fhichead inti chun clamhsán, snagaíl, gearán aguscnáimhseáil a dhéanamh. Ach meireach na cumascóirí nach leamh a bheadh an saol! Ní bheadh againn ach tíogair cheilteacha ag carnadh pinginí ( ní bheadh an t-am acu siúd a bheith ag clamhsán), agus na binsí fiosruithe!

Agus Níl a fhios ag Seán cad le ceapadh
Bheal, is iomaí duine ag Dia. Sin an méid a déarfaidh mise faoi.

Aithníonn Aingeal a chomharsa
Meastú a Mhíshásta nach comharsain muide? Tá cónaí orm féin i gChetwynde Downs freisin (uimhir a 26, 'Mon Repos', an teach péinteáilte magnolia leis an dá garden gnome ar cheachtar taobh den gcosán). Tá barúil agam gur tusa a chonaic mé ag preabadh isteach in uimhir a 11 trasna an bhóthar uaim Déardaoin seo caite leis an Daily Star faoi d'ascaill agat. Más ea, tá áthas orm bheith ag cónaí gar duit, is meastú nár mhaith leis buaileadh isteach tráthnóna éigin i gcomhair braon tae is ceapaire ham?
do chomharsan dhíl,

Agus Aithníonn Míshásta a Chomharsa
A Aingil, fáilte go Chetwynde Downs. Bhíos fiosrach faoin bean aláinn a tháinig isteach in uimhir a 26. Ach ní chonaic tú mise in uimhir a 11, b'shin Jack "Crunch the Mollasses" Daly. (Cén fath an t-ainm, scéal eile, ní chreidfeá é) Ní chorraím amach go ró-mhinic le linn an lae, fanaim istigh anseo im' oifigín ag cliceál is ag surfáil is ag bataireál ar mo mhéarchlár. Ní fiú dul amach chun bheith ag argóint leis na comharsana is ag éisteacht lena ngearáin faoi Long John. Is é sin mo Jack Russell leathshúileach a bhíonn ar phatról timpeall an eastáit. Ceart agat, leagan gearr de L. J. Silver. Nach é nádúr an ainmhí a bheith ag troid is ag tafann is ag síolrú is ag tochailt i róscheapaigh is ag róbáil bréagáin. Ba chóir dom é a choimeád fé smacht dar leo. Ach níl sé ceart ná daonnachtúil gaidhrín bocht a choimeád ceangailte.

Tá conaí orainn in uimhir 37, "Villa Padre Pio". Mo bhean a roghnaigh an t-ainm. Ba bhreá liom cuairt a thabhairt ort i gcóir tae agus ceapairí, a Aingil gil, ach bheadh faitíos orm. Bíonn mo bhean ag coimeád súil géar orm, ní chreidfeadh sí nach raibh ach tae agus blastóga i gceist, go mórmhór le bean óg aoibhinn áláinn, dea-chumtha, dea-chóirithe, dea- dea- --- ahem. Bíonn sí an-amhrasach fúm ón uair a tháinig sí orainn nuair a thugas cuairt ar uimhir a 9, "Tudor Lodge", i gcóir cupáin caifé leis an bean a'tí. Scéal eile, ní chreidfeá é, ach de réir dealraimh bíonn an oiread spéis ag fear "Tudor Lodge" i gcúrsaí leapan agus atá ag mo bhean fhéinig.
Ó, cloisim eochair sa bhfront-doras, mo bhean, caithfidh mé imeacht go tapaidh. Uainn go léir anseo, i Villa Padre Pio, Chetwynde Downs, - Slááán Tamall.

Tut-tut, cad a scríobh mé sa teachtaireacht thuas; "ní chonaic tú". "Ní fhaca tú" ba chóir a bheadh ann is dócha. Chuirfinn fáilte roimh cheartúcháin, fiú amháin i nGaeilge Thír Conaill

Níl aon fadhb ag Aingeal le bhean Míshásta
Tuigim do chás a Mhíshásta ach ar ndóigh tá fáilte romhat do bhean chéile a thabhairt leat ar cuairt chugam le nach mbeidh neamhshuaimhneas ar bith uirthi. Bhi mé ag smaoineadh ar oíche bridge a bheith agam Déardaoin: vol-au-vents, roinnt fondue, pimms & lemonade, tá a fhios agat. Meastú nach dtaithneodh an outing léi? Tá Hetty is Algy as uimhir a 114 ("Heart's Ease") agus Mrs Pender as uimhir a 3 ("The Nook") ag buaileadh isteach freisin.

Sin an-job péinteála a rinne sibh ar uimhir a 37 -- tá an bán-dearg go hálainn agus is fada an lá ó chonaic mé fountain chomh gleoite. Caithfidh go raibh an tarmac sin uilig an-daor.

le meas, aingeal as neamh

Ach ní ghlacann Míshásta lena cuireadh...
A Aingil, grma as do chuireadh cineálta, ach faraoir, ní théimíd, mise agus mo bhean, amach le chéile a thuilleadh, ach amháin go dtí socraidí. Ní dóigh liom go dtaithneódh a comhluadar leat. Comh luath is a bheadh cos thar tairseach aici bheadh Córóin Mhuire nó tionól urnaithe á eagrú aici, is peann sínte amach i gcóir do shíniú ar phetition ag éilimh reifreann láithreach ar ghinmhilleadh. Ní bheadh mar ábhar cainte aici ach amháin taisí na naomh agus dealbha ag corraí is ag cur fola.

Ar aon nós, beidh do dhóthain agat le Hetty agus Algy; cabair-cabaireacht, sifil-seaifil, blidir-blaidir, iac-iac-iac, caint gan sos, gan stad, gan stop, gan staonadh. Óóf, mo thrua thú.

Agus an seanraicleach sin, Mrs. Pender, ná chreid focal as a cambhéal. A bhfuil fhios agat, a Aingil, tá ráflaí gránna malíseacha ag gabháilt thart fúm, 'sea, fúmsa. Ag faire na n-éan, b'shin an caitheamh aimsire a bhí agam sara cheannaíos an PC agus sara bhris mo bhean mo dhéshúiligh i smidiríní nuair a chuala sí na ráflaí céanna. Ag iarraidh idirdhealú a dhéanamh idir an gealbhan binne agus an gealbhan coille a bhíos agus ní ag gliúcaíocht isteach i bhfuinneoga na gcomharsana. Cuirim an milleán ar an seancailleach sin, Mrs. Pender, as bheith ina príomh craobhscaoilteoir desna ráflaí faoi'n peeping tom.

Is deas liom gur thaitinigh dath nua an tí leat, "Montrose Pink" a thugtar ar an dath céanna. Agus an fountain sin a chonaic tú, ní fountain atá ann ach folcadán éan, bird-bath. Tá an difríocht tabhachtach mar a thuigfeá ón alt deireannach. Ar thugais fé ndeara na fuinneoga Seoirseacha PVC nua? leis an triple-action ultra-secure locking system. Tá an conservatory Victóriánach ar do thigse an-galánta ar fad.

Tá súil agam go mbainfidh tú taitneamh as do oíche Bridge ach bi cinnte go gcoimeádfaidh tú súil géar ar Mrs. Pender nuair a bhíonn sí ag roinnt na cártaí.

Uainn go léir anseo i 37 Chetwynde Downs - - - Slááán Tamall